December 08, 2022
CMO-29-S2021
Sample COE
DHEI-CAR
Featured School-DMMMSU
YouTube Channel
DHEI-BSIT
DHEI-BSBA/BSOA
Three Simple Steps to your Degree
Sample CV
2022 Featured Schools

Sino ang Pwede sa ETEEAP?

Sino ang pwedeng mag-apply at mag-enroll sa ETEEAP?

Narito ang ilang halimbawa ng mga trabaho ng mga Pilipino na pwedeng gamitin sa pag-aapply sa ETEEAP. Pero bago yan ay ito muna ang pinakapangunahing requirement.

  • Ang edad ng mga pwedeng mag-apply dito ay 23 o pataas. Ang age requirement na ito ay nag-umpisa noong inilunsad ang K-12 system sa Pilipinas bilang pagsunod sa International Education Standard.
  • Nakapagtapos ng high school sa old curriculum, ALS, o K-12.
  • Minimum aggregate of five years work experience locally and/or abroad. Aggregate means kahit hindi tuloy-tuloy o magkakaibang kompanya basta parehong field o specialization.
  • Filipino citizen. (Kung nagpalit ng citizenship ay disqualified).
  • Kailangang documented ang mga work experience. (Pakisuyong ituloy ang pagbabasa para maintindihan ito.)

Balik tayo sa mga trabahong pwedeng magamit sa pag-enroll sa ETEEAP.

  • Factory worker ng limang taon o mahigit pa, lalo na kung ikaw ay naging supervisor na.
  • Security guard ng limang taon o mahigit pa, lalo na kung ikaw ay naging supervisor na.
  • Nursing aid ng limang taon o mahigit pa at na-promote na rin.
  • Nagtrabaho sa restaurant o hotel ng limang taon o mahigit pa at na-promote na rin.
  • Nagtrabaho sa technical department ng isang kompanya ng limang taon o mahigit at na-promote pa.
  • May sariling negsoyo ng limang taon o mahigit pa at naging matagumpay ito. Kailangan ang testimonya ng mga naging cliente o customer.
  • Nagturo ng limang taon o mahigit pa ngunit hindi naman teacher, at hindi rin nakatapos ng anumang degree.
  • Supervisor sa kanyang trabaho ng lima o mahigit pang taon ngunit wala pang natapos na degree sa kolehiyo.
  • Nagtrabaho sa BPO ng limang taon o higit pa ngunit hindi nakatapos ng degree.
  • Construction worker ng limang taon o mahigit pa at maraming ibat-ibang gawain ang nasubukan na niya sa maraming taon.
  • Undergraduate ng anumang degree at nagtrabaho ng limang taon o mahigit pa.
  • Isang nanay na may sariling negosyo ng mahigit limang taon at matagumpay na napangasiwaan niya ito. Kailangan lang ang testimonya ng tatlo o mahigit pang cliente, customer o supplier.
  • Freelancer na may mga customer, cliente o supplier na magpapatunay ng kanyang kakayahan at kagalingan.
  • Kung kayo ay may sariling negosyo, pwedeng magpagawa ng certificate mula sa tatlo o mahigit pang cliente o customer ninyo.
  • Mga organisasyon na sinalihan ninyo. May atas ba kayong ginampanan doon na pwedeng igawan ng certificate ng inyong mga leader?
  • Kayo ba ay aktibo sa inyong simbahan? Anong mga atas ninyo ang pwedeng magawan ng certificate?
  • May mga seminar at training ba kayong nadaluhan o napagdaanan?
  • May mga proyekto ba kayong nagawa?
  • May mga short course ba kayong natapos?
  • Kayo ba ay nagkaroon ng mga award, tropeo o medalya sa isang larangan? May certificate din ba ito o larawan na pwede ninyong isama sa inyong mga credential.

Doon naman sa may natapos nang bachelors at masters degree ay pwedeng mag-enroll para kumuha ng masters o doctors degree sa mga HEI na nag-aalok nito.

Ang mga sumusunod ay pwede rin na makatulong sa inyo sa paghahanda ng inyong mga dokumento para sa pag-aaply sa ETEEAP. Maaring ang ilan sa mga nabanggit dito ay nabasa na rin ninyo sa iba pang bahagi ng website na ito:

  • Certificate of Employment sa inyong kasalukuyang trabaho.
  • Detalyadong atas o function ninyo sa inyong trabaho. Ito ay tinatawag ding Detailed Functions and Responsibilities (DFR)
  • Certificate of Employment sa inyong nakaraang trabaho.
  • DFR sa inyong nakaraang trabaho.
  • Kung kayo ay may sariling negosyo, pwedeng magpagawa ng certificate mula sa tatlo o mahigit pang cliente o customer ninyo.
  • Mga organisasyon na sinalihan ninyo. May atas ba kayong ginampanan doon na pwedeng igawan ng certificate ng inyong mga leader?
  • Kayo ba ay aktibo sa inyong simbahan? Anong mga atas ninyo ang pwedeng magawan ng certificate?
  • May mga seminar at training ba kayong nadaluhan o napagdaanan?
  • May mga proyekto ba kayong nagawa?
  • May mga short course ba kayong natapos?
  • Kayo ba ay nagkaroon ng mga award, tropeo o medalya sa isang larangan? May certificate din ba ito o larawan na pwede ninyong isama sa inyong mga credential.

Important: Lahat ng work experiences na gamitin ninyo sa pag-apply ay kailangang may dokumento at pwedeng i-verify. Baka ang mga school na eenrollan ninyo ay may work site inspection pa, pwdeng physical visit o virtual visit.

Para sa iba pang mga katanungan ninyo tungkol sa ETEEAP, maari niyo ring tingnan ang mga link na nasa ibaba.

Ano ang ETEEAP? Paki-click ito para sa kasagutan.

Magkano ang ETEEAP? Paki-click ito para sa kasagutan.

Paano mag-apply sa ETEEAP? Pali-click ito para sa kasagutan.